ОД ПРВИ ЈАНУАРИ

Поскапа вода и ѓубрарина за битолчани

Од први јануари битолчани ќе пијат поскапа вода и ќе даваат повисок надомест за јавна чистота. Одлуката на Советот на Општина Битола цената на во­да­та да поскапи за 117% за домаќинствата и 70% за индустријата, бе­ше донесена пред околу шест месеци. Место сегашните 14 денари за пот­ро­шен кубен метар вода, ќе даваат по 30,25 денари, а стопанските суб­јек­ти место 26,50, дури 45 денари. ЈП "Водовод" поскапувањето го оп­рав­ду­ва со фактот дека со старите цени не можеле да го одржуваат зас­та­ре­ни­от водоводен систем. Што се однесува, пак, до надоместокот за јавна чистота, истиот бил определен според Законот за јавната чис­то­та од 2008 година, и важел за цела Република. "Надоместокот за јав­на чистота од околу 5о денари ќе оди во Општината, а таа, пак, ќе ни пла­ќа онолку колку што ние ќе завршиме работа", кажува Јовко Крс­тев­ски, директор на ЈП "Комуналец". (С.Та.)