ВЕЧЕРВА НА СКОПСКО ЛЕТО

Слики од Хрватот Скендеровиќ во КИЦ

Во Културно-информативниот центар, вечерва на Скопско лето, во 20,30часот ќе се отвори изложба на слики од Аго Јосип Скендеровиќ од Хрватска.
Скендеровиќ е роден во 1954 година во Суботица. Дипломирал во 1978 година на Академијата на ликовни уметности во Загреб, а специјализирал графика во Париз. Изложувал во Париз, Загреб, во Брисел. Учествувал и на голем број групни изложби во Париз, Загреб, Њујорк, Штутгарт, Будимпешта, во Барселона. Живее во Париз и работи како професор по ликовна и применета уметност.