МА­КЕ­ДОН­СКО­ТО ЗНАМЕ НА ПОПУЛАРНА БОЕНКА ВО ГЕРМАНИЈА

Шо­ле плови за Македонија

На насловната се насликани неколку животни кои во куфер пловат на отворено море, а крокодилот го држи јарболот на кој се вее македонското знаме

Ма­ке­дон­ско­то знаме се најде на насловната страница на популарна бо­ен­ка за деца во Германија. На насловната се насликани неколку животни кои во куфер пловат на отворено море, а крокодилот го држи јарболот на кој се вее македонското знаме.
Нас­ло­ве­на "Шоле на пат околу светот", боенката е дел од серијата "Мо­ја­та магична боенка", која се печати во околу половина милион примероци и се продава низ Германија во супермаркетите "Алди" за цена од 1,99 евра.
"Вест" успеа да го најде и авторот на боенката - илустраторот Харалд Рич кој, меѓу другото, редовно објавува карикатури и во едно популарно гер­ман­ско компјутерско списание.
Тој најпрвин беше изненаден што добива повик од Македонија, и призна де­ка не е баш сигурен каде се наоѓа земјата. Ни рече дека изборот на зна­ме­то бил случаен.
"Се­ка­ко дека ни е драго што нашите изданија будат меѓународен интерес, ду­ри до Македонија", ни рече Михаел М. Л. Лехенбауер, директорот на гер­ман­ска­та издавачка куќа "Медија шајдег" која ја печати боенката.